هەولێر

مانگی یەکەمی ٢٠٢٠ بۆ جیهان پڕ ڕووداو بوو

نیشتمان- ناوەندی هەواڵ-ڕاپۆرت
مانگی یەکەمی ساڵی ٢٠٢٠ مانگێکی پڕ رووداو بوو بۆ جیهان و رووداوەکانی ئەم مانگە بەجۆرێک بوون کە وا دەردەکەوێت بەسەر گشت مانگەکانی دیکەی ئەساڵەوە کاریگەری جێدەهێڵن.
یەکەم:
کوشتنی قاسم سولەیمانی، فەرماندەی فەیلەقی قودسی سوپای پاسدارانی ئێران و ئەبو مەهدی موهەندیس، جێگری بەرپرسی عەشدی شەعبی لە بۆردومانێکی فڕۆکەی بێفڕۆکەوانی ئەمریکیدا لە ٣ ی ١ دا دەستپێکی رووداوە کاریگەرەکانی ئەو مانگە بوو.
 
دووەم:
وەڵامی ئێران بۆ ئەمریکا
لە بەرامبەر کوشتنی گەورەترین فەرماندەی سەربازی وڵاتەکەیدا ئێران وەڵامی ئەمریکای دایەوەو لە ٨ ی منگی ١ دا بە ئاراستەکردنی چەندی موشەک هێرشیکردە سەر دوو بنکەی سەربازی ئەمریکا لە ئەنبار و هەرێمی کوردستان لە عیراقدا و لە هێرشەکەی سەر عەین ئەسەد لە ئەنبار ٣٤ سەربازی ئەمریکی بریندار بوون.
 
سێهەم :
کەوتنەخوارەوەی فڕۆکەیەکی ئۆکرانی
لە ٨ ی مانگی ١ دا فڕۆکەیەکی ئۆکرانی کەوتەخوارەوەو سەرجەم سەرنشینەکانی کە ژمارەیان ١٧٦ کەس بوو گیانیان لەدەستدا.
دواتر بەرپرسانی ئێران دانیان بەوەدا نا کە بەهەڵە فڕۆکەکەیان خستووەتە خوارەوە.
 
 
چوارەم:
رێكەوتی 10ی کانونی دوەمی ئەمساڵ، دیوانی سوڵتانی عومان لەراگەیەندراوێکدا کۆچی دوایی سوڵتان بن سەعید بن تەمور سوڵتانی عومانی راگەیاند، کە ماوەی نزیکەی 50 ساڵ، لە ساڵی 1970وە حکومڕانی وڵاتی گرتبوە دەست.
 
پێنجەم:
بڵاوبوونەوەی ڤایرۆسی کۆرۆنای کوشندە
 
 
16ی کانونی دوەم یەکەم حاڵەتی توشبون بە ڤایرۆسی کۆرۆنا راگەیەندرا، تائێستا زیاتر لە 14 هەزار حاڵەتی توشبون بەو ڤایرۆسە تۆمارکراوە، ژمارەی ئەو کەسانەشی کە بەهۆی ڤایرۆسەکەوە گیانیانلەدەستداوە گەیشتوەتە 304 کەس، بەو هۆیەشەوە رەوشی نائاسایی تەندروستی لەجیهاندا راگەیەنراوە.
 
شەشەم:
هەر لە 16ی کانونی دوەمی ئەمساڵدا سوپای روسیا هێرشی ئاسمانی لەناوچەکانی باشور و رۆژهەڵاتی ئیدلیب لەدژی گروپە چەکدارەکانی ئەو ناوچەیە دەستپێکرد، لەئێستادا توانیویانە زیاتر لە 14 ناوچەی دەوروبەری ئیدلیب کۆنتڕۆڵبکەن و بەهۆیەوە سەدان هەزار هاوڵاتی ئاوارەبون.
 
حەوتەم:
19ی کانونی دوەمی ئەمساڵ کۆنفرانسی ئاشتی بەرلین تایبەت بە چارەسەرکردنی پرسی لیبیا بە بەشداری 12 سەرکردەی جیهان بەڕێوەچو و بە دەرکردنی چەند ڕاسپاردەیەک کۆتایی بە کۆنگرەکە هات.
 
هەشتەم:
21 ی کانونی دووەمی ٢٠٢٠ دوای چەند مانگێک خۆپیشاندان و ناڕەزایی ، حکومەتی نوێی لوبنان بە سەرۆکایەتی حەسان دیاب پێکهێنرا و ٢٠ وەزارەت لەخۆ دەگرێت چوار وەزیری ناو کابینەکەی ژنن.
نۆیەم:
ڕاگەیاندنی گرێبەستی سەدە
رۆژی ٢٨ ی کانونی دوەمی ٢٠٢٠ دۆناڵد ترەمپ، سەرۆکی ویلایەتە یەکگرتووەکانی ئەمریکا گرێبەستی سەدەی بۆ ئاشتی نێوان ئیسرائیل-فەڵەستین ڕاگەیاند،
بەپێی پرۆژەکەی ترەمپ قودس وەک پایتەختی دابەشنەکراوی ئیسرائیل دەمێنێتەوە.
 
دەیەم:
دەرچوونی فەرمی بەریتانیا لە یەکێتی ئەوروپا
رۆژی ٣١ ی کانونی دووەمی ٢٠٢٠ بەریتانیا بە فەرمی لە یەکێتی ئەوروپا چووە دەرەوە و ئاڵای بەریتانیاش لە ریزی وڵاتانی ئەندام لە یەکێتی ئەوروپا لابرا.
سێ ساڵ پێشتر خەڵکی بەریتانیا بە زۆرینەی دەنگ بڕیاریاندا وڵاتەکەیان لە یەکێتی ئەوروپا بچێتە دەرەوە.